[walaa farouk]

حرب الرزق
حرب قديمة من ايام قايين اللي حسد اخوه علي نجاحه
و البركة اللي ربنا منحهاله ..
و بدل ما يعمل زيه و يقدم قربان من الغنم ، من كتر حقده قام قتله ..

و فيه ناس "قطاعين ارزاق" ، ما يحبوش حد يكسب
و لا يتمنوا له الخير لا بالقول و لا بالفعل ..
و الرزق هنا فلوس و حب الناس و نجاحهم

قطاعين الأرزاق دول في عينيهم و مشاعرهم و قلبهم سواد ..
و لأنهم مش عارفين لا عاوزين ينجحوا ،
بدل ما يجتهدوا بيحقدوا و يحسدوا ..

كل اللي بيكسب في نظرهم يبقي طماع و ماشي غلط
و ملتوي و بيحب المال ، و كل اللي ينجح يبقي مغرور
و بيحب الشهرة ..

و لان ربنا ما بيرضاش عن قطاعين الأرزاق، واضع لهم قانون حاسم : الناس اللي بيحسدوهم رزقهم بيزيد اضعاف ، اما رزقهم هم بينقطع اضعاف ..

زي النار اللي اترمي فيها ال ٣ فتية ، هم نفسهم ربنا نجاهم ،
و اللي رموهم فيها احترقوا ..

برضه ربنا واضع قانون تاني ، اللي يحب الخير للناس، رزقه و رزقهم يزيدوا اضعاف ..

اتمني الخير للكل و ح تشوف من ربنا رزق و بركة لا تتوقعها ..

و اوعي تكون من "قطاعين الأرزاق" ،
لتقطع رزق بايدك و تحرق نفسك بنفسك
، و تقع في الحفرة اللي حفرتها لغيرك..