[walaa farouk]

النهاردة كنت ماشية في السوپر ماركت
وفجأة سمعت دوشِة حاجات عمالة تتكسر
. مشيت ناحية الصوت من خلال ممرات السوپرماركت
وشوفت إن بعض الناس عمالة تهمس في ودان بعض وهمَّ بيبحلقوا في حد. كانت واحدة ست كبيرة في السن
وكانت لسه خابطة رف مليان أطباق وكوبيات بالتروللي بتاعها وكتير منه وقع متدشدش. لقيتها راكعة على الأرض في نص هدومها من الكسوف وعمالة تِلِّم الحتت المكسرة في الوقت اللي جوزها نازل يشيل الورقة اللي عليها الرقم من كل حاجة اتكسرت وبيقول لها:
شفتي؟؟ دلوقت لازم ندفع ثمن كل ده.
المشهد كان مُحزِن للغاية. حد حصلت له ظروف صعبة
وكل العينين كانت عليه. ولما وطيت جنبها علشان أطمنها،
لقينا شاب جه وركع جنبنا وقال للست: سيبي كل حاجة
. احنا هنِلِمَّها. احنا محتاجين بياناتك علشان ناخدك المستشفى علشان دكتور يبص لك على الجرح اللي في ايدك ده.
الست بصت له خجلانة وهي بتقوله: لا أنا لازم ادفع ثمن كل ده الأول
. بس الراجل رد وقال لا يامدام. احنا عندنا تأمين للخسائر اللي من النوع ده ومش مضطرين ندفع حاجة.
ولما قام الراجل، ادركت إنه كان وصَّل كل المعلومات
لمدير المحل وطلَّع العميلة بسرعة.
—————————————
لكل اللي قرا القصة لحد هنا، احب اطلب دقيقة من وقتك.
في المكان اللي انت فيه دلوقت غمض عينيك
وتخيل الله بيعمل لك نفس الشىء.
لِمّ كل القطع المتكسرة من قلبك واللي الدنيا رمتها في وشك
وتعال له بيها. الله هيشفي كل جروحك
وأؤكد لك إن كل ذنوبك وأخطائك هتتغفر.
في وثيقة اسمها "النعمة"، ولما إنك كنت غلطان وتقبل الله كمُخَلِّص شخصي ووحيد لحياتك، مدير الكون، الله، هيقولك:
كل حاجة خلاص اتدفع تمنها .. يالا .. امشي في طريقك، امشي.