قصيدة إله السلام ... للشاعر ايمن نادى اسحق
ربنا عنده السلام والنصرة.. معاه تلاقى الفرحة بجد
لوبعدت عنه يزيد الندم والحسرة.. وتسيل الدموع عالخد
تبدأ تنحنى للظروف.. والمشاكل والهموم
وتصبح عبد للخوف .. تفضل من السلام محروم
لو قربت منه هتنسى الماضى.. وتترك خطايا زمان
وتبقى عن حياتك راضى .. وتبدأ تعيش فى أمان
ولما تبعد عن الشرور .. وترجعله ومن قلبك تتوب
أكيد هيعيشك فى سرور .. وبدمه يدارى كل العيوب
ولما تبعد عن الشيطان .. وتسلمله حياتك
هينسيك الاحزان .. ويعوضك عن اللى فاتك
بقلم الشاعر أيمن نادى اسحق