[walaa farouk]

رب خير لأذي صاحبه ..

فيه ناس كتير قوي جميلة و بيضا من جوه..

بس برضه خللي بالك قوي ..
فيه ناس مصاحبة البلية و مناسبة الأذية !!

مش كل طلب حتي لو شكله حلو تقول "حاضر "
من غير حكمة أو تمييز ..
احيانا طيبة قلبك تورطك في شر مش شايفه ..
خد بالك ..

اوعي حد يطلب منك خدمة و توافق من غير ما تسأل نفسك ليه هو ما يعملهاش بنفسه ، و ليه اختارك انت بالذات ، لا يكون عاوز يورطك و يخلع هو .. و لو شكيت استشير و اوعي تتحرج، و اعتذر بكل أدب و حزم..

اوعي حد يعمل نفسه قلبه عليك و يعرض عليك خدماته
أو مساعدته من غير ما تدور وراه
، و يا ما ناس عاوزة تستغلك أو تؤذيك ، أو عاوزة تورطك في مشاريع خسرانة ..

اوعي تروح مشوار أو زيارة مش عارف لمين و مع مين و ليه ..

اوعي تكتب ورقة أو تمضي عليها و انت مش عارف محتواها ..

اوعي تكلم حد علي الفيس أو الواتس أو الميل
و تسيبله اسرارك و صورك و بياناتك تحت عنوان "الثقة" ، ياما ناس تعبت من كده ..

اوعي تدي سرك لحد و انت ما تعرفش مدي امانته و اخلاصه ..

اوعي تسيب فلوسك لحد و تستأمنه من غير ضمانات،
نادر قوي اللي يبقي محل ثقة .. و ياما الفلوس عمت عيون و فرقت اخوات ..

حلوة البساطة، بس لو من غير حكمة تبقي عباطة !!