[souad jaalouk]

زوّادة اليوم: أمير الشهدا

بيخبرو انّو مار جرجس بعد ما توفّى بَيّو راح هوّي و امّو و اختو عا فلسطين و كلّن وقتها الحاكم اسمو يسطس. اخدو للقدّيس و علّمو تربية مسيحيّة و فوّتو عالجيش و علّمو الفروسيّة و كان مار جرجس عم يتعلّم بسرعة و ما بيخاف ابدا حتّى صار مسؤول عن 5 آلاف جندي و شريك بحكم فلسطين! بعدين بس توفّى يسطس اجا مار جرجس عا صور بلبنان! حتّى يحكي مع الإمبراطور بعدّة اشيا. بس ما حب ابدا اللي شافو هون. كل الناس بتعبد الأصنام و الإمبراطور عم يهبّط الكنايس و عم يفلّل المسيحيّين من اشغالن. عصّب مار جرجس و خزق منشور كاتبو الإمبراطور و بيضطهد فيه المسيحيين و هون بلّشو يؤذوه الو حتّى الشهادة! كرمال هيك لقّبو "أمير الشهداء"...اليوم عم نحتفل بعيدو و قدّيش نحنا بحاجة لروحيتو و غيرتو عالكنيسة و الرب....ينعاد عاللي حاملين اسمو...الله معكن