[walaa farouk]

+ لو احنا كلنا فاكرين ان السيد المسيح طهر الهيكل من الباعه بس يبقى غلطانيين ، لا ده طهره كمان من القيادات اليهودية ( الكتبه والفريسين والصدوقيين والناموسيين )
+ لو بصينا لنقطة تطهير الهيكل من الباعه هنلاقى ربنا يسوع استخدم كل قوته علشان يكون بيته مكان صلاة .. الكتاب بيقول " اخرج جميع الذين كانوا يبيعون ويشترون فى الهيكل " "وقلب موائد الصيارفة ، وكراسى باعه الحمام " ووبخهم الناس بشدة قائلاً : : بيتى بيت الصلاة يُدعى وانتم جعلتموه مغارة لصوص " ( متى 21 : 12 ، 13 )
" ولم يدع أحداً يجتاز الهيكل بمتاع " ( مر 11 : 16 )
وكمان يوحنا البشير بيقول " فَصَنَعَ سَوْطًا مِنْ حِبَال وَطَرَدَ الْجَمِيعَ مِنَ الْهَيْكَلِ، اَلْغَنَمَ وَالْبَقَرَ، وَكَبَّ دَرَاهِمَ الصَّيَارِفِ وَقَلَّبَ مَوَائِدَهُمْ. "وَقَالَ لِبَاعَةِ الْحَمَامِ: «ارْفَعُوا هذِهِ مِنْ ههُنَا! لاَ تَجْعَلُوا بَيْتَ أَبِي بَيْتَ تِجَارَةٍ!»." (يو 2 : 14 – 16 )
+ وموقف السيد المسيح هنا كان ف منتهى القوة قدام طهارة بيته وهيكله وده مش ضد انه كان وديع ومتواضع القلب .. وكان حزمه وقوته ممزوجه بتعليم " مكتوب بيتى بيت الصلاة يُدعى "
لكن كان لابد من تطهير الهيكل لانه بيت الله وبيت الله له قدسيته ولازم نحافظ عليه وغيرتنا المقدسة تدعو لكده واحنا فى خدمتنا لازم نكون غيورين على بيت ربنا وكنيسته وولاده مهما الامر كلفنا .
+ السيد المسيح صبر على الباعه زماناً بكل هدوء ولما لما ينصلحوا بالهدوء استخدم معهم اسلوب الشدة ... وكمان زى ما اتنبأ السيد المسيح عن خراب الهيكل اتنبأ عن خراب اورشليم وبكى عليها .
+ واحنا بنقوله يارب قلوبنا هيكلك وبيتك طهرها هى كمان بدل ما كل حاجه بتبيع وبتشترى فيها من شهوة ونميمه وكدب وتعظم معيشة انضح عليا بزوفك فاطهر بدل ما يكون الخراب هو مصير الهيكل .
ولنا بقية فى بوست اخر عن تطهير مسيحنا القوى للهيكل من القيادات