[Mary Naeem]

كل سنه وكلكم طيبين







ودايما يارب كويسين
ونكون فرحنين بالايام الحلوه دى
صدقونى احلى ايام
السنين اللى فاتت كنت بحضر جمعه ختام الصوم وحد الزعف والبصخه كل يوم وخميس عهد
وبعدها الجمعه العظيمه وسبت النور
وكل ده ببقى معزومه عند ربنا فى الكنيسه
ما فكرناش يوم نعزمه احنا عندنا
كل سنه ربنا بكرمه بيعزمنا عنده
بس السنه دى بالظروف اللى بتحصل قررنا كلنا اننا نعزمه عندنا
وبدل ما كل سنه بيعزمنا فى كنيسته
ها نفرح السنه دى اننا ها نستقبله فى بيتنا بالقنديل فى جمعه ختام الصوم
وها نستقبله بالزعف جوه بيتنا يوم حد الزعف
وها يجى ويدخل ويشركنا البصخه فى بيتنا
واحلى حاجه انه ها يعمل خميس العهد عندنا فى بيتنا
وبعد طريق الصلب ها يسمح انه ها يدفن عندنا
علشان فجر الاحد بردوا ها يقوم من الاموات عندنا فى بيتنا
ربنا السنه دى جاى عندنا مش احنا اللى رايحينلوا
افرحوا وتهللوا حبيبيى ربنا قرر يكون فى بيوتنا
انا مبسوطه علشان ها يكون معانا فى بيتنا لوحدنا وها يباركنا
ربنا جاى بس المهم نكون مستنيينوااااااا وليه مكان متحضرله
ويحضر الزعف يوم الاحد ويعلق شريطه سوداء على صليب لغايه الجمعه ويبدلها بابيض يوم السبت وكل بالصلاه
بجد بالايمان ها نكون جوه الصلاه مش بس بنتفرج عليها
كل سنه وانتم طيبين 🙏🙏🙏🙏