[walaa farouk]

كل من حاول تعزيتنا فى غلق الكنائس بكلام مثل ما سيأتى في هذا البوست ...
هو أشبه بمن ذهب لتعزية أحد فقد أعز من لديه وعوضا أن يبكى معه
القي عليه محاضرة عدد بها الحالات المشابهه وان كثيرون غيره فقدوا اعز من لديهم مثله 😞 .

عبارات مثل:

مفيش مشكلة ما هو حدث أيام الإضطهاد غلق للكنايس ..
مفيش مشكلة ما احنا نفسنا كنيسة ..
مفيش مشكلة الكنيسة مش المبني ولا هي الحجر ..
مفيش مشكلة كنا بنيجي الكنيسة دلوقتي الكنيسة بقيت جوه بيتنا ..
ما هو مش مشكلة المرأة لما بتلد بتبعد شوية عن الكنيسة ..
مفيش مشكلة ربنا عاوزنا نتوب ونقعد مع بعض حوالين الكتاب المقدس...

مثل هذه العبارات التى قتلتنا بدم بارد ..

كم تمنيت أن يكون الكلام هو شيئا واحدا فقط ..
مفيش شيء يعوض الكنيسة ومهياش حجر
ولا قفلها دلوقتي زي وقت الاضطهاد ولا شيء ممكن يتقال ..
لكن نتضرع لربنا لفتحها في أقرب وقت وآلا يطيل الله غلقها أمامنا ..
كم تمنيت أن يبكوا مع الباكين فيتعزوا معا .. ..

مثل هذه الكلمات أبردت قلوب وأضاعت الفرصة علي كثيرين
ممن كانوا من الممكن أن يلتهب قلبهم فيهم شوقا لتراب الكنيسة
ولا تحولت بيوتهم لكنائس بالفعل ولا اشتاقوا لترابها من كثرة جرعات التخدير الزائفة ..

ليرفع الله عنا سريعا .. ويقصر تلك الفترة الصعبة وينجي العالم من الوباء والغلاء والفناء
وسبى الأعداء ومن قيام الهراطقة .