[walaa farouk]

معدن النفس بييان هنا ..

الشهامة أن بلدنا الغالي قيادة و حكومة تقف مع الشعب من غير شروط ،
جنب صحة المواطن المصري : فوايد البنك تعلي
، و فوايد القروض تتجمد، و المصري يرجع لبلده و هو رافع راسه علي حساب الدولة ،
و تصرف فلوس للعمالة غير الدايمة ، و تتدبر تبرعات ،
و ماسكات و مطهرات مدعمة من الجيش و المصانع و الافراد و الجوامع و الكنايس للحماية و الوقاية ..

الشهامة يعني مصر ، الكبيرة قوي ، رغم أنها لسه طالعة من أزمات اقتصادية
و سياسية و تحديات الإرهاب المرعبة ، تبعت مساعدات طبية للصين و ايطاليا و تقف جنبهم وقت احتياجهم ..

الشهامة يعني الأطباء المحترمين يضحوا بنفسهم علشان ينقذوا واحد مريض ..
يعني الجيش و الشرطة اللي واقفين يساعدوا اي واحد محتاج سند في عز ضيقته..

اما قلة الإصل من بعض الناس (للامانة قليلين جدا) ،
انهم ما يقفوش جنب البلد و يهاجموها و هي في عز احتياجها..
ان الناس تهمل في حماية نفسها و حماية غيرها و تتزاحم من غير حكمة
و تستهتر بالوضع فتسبب العدوي للابرياء ..

قلة الأصل أن ناس (برضه قليلين جدا ) لسه بتهاجم بلدنا و قيادتها بدل ما ندعيلهم و نشجعهم
، و لسه بتهاجم البابا و المجمع و الكهنة اللي حكموا العقل
و المنطق علي العواطف و خايفين علي ولادهم من انتشار العدوي و تضاعفها
، و ما يلي كده من كوارث ووفيات بالذات لكبار السن و أصحاب المناعة الضعيفة ..

قلة الأصل أن فيه ناس (برضه قليلين جدا) بيغلوا السلع و يخبوها بدل ما يسندوا ولاد بلدهم ..

قلة الاصل أن بلد معروفة المفروض انها بتدعي التدين تسرق شحنة طبية رايحة لبلد تانية ،
و بلاد غيرها ما تقفش جنب البلاد المطحونة ..

كورونا طلعت اسوأ ما في الناس و دول قلة القلة
، و احلي ما في الناس و دول اغلبية الاغلبية ..

كورونا ح تخلص ح تخلص، بس معادن الناس هي اللي باقية ..