[souad jaalouk]

زوّادة اليوم: المكرم أبونا بشارة أبو مراد

بيخبرو الناس كتير قصص عن اعمال المكرم ابونا بشارة ابو مراد بالحرب العالميّة الأولى. كان يجمع المساعدات و يوزّعها عالمحتاجين و يجمع اكل من بيوت الأغنيا و يقدمو للجوعانين. كان يقتصد بأكلو و بلبسو و يعطي اكلاتو و تيابو للناس اللي بحاجة الن. كان يبقى ايّام بلا اكل و وجّو اصفر حتّى يترك حصتو للولاد حتّى ما ينامو جوعانين! و كان يصلّي و يصوم و يطلب من العدرا و من يسوع و هنّي ما كانو يبخلو عليه ابدا! كلنا دارسين بكتب التاريخ عن قساوة هيديك الايّام عالناس. و كلنا سمعنا اشخاص عم يوصفو ايّامنا هيدي بحرب عالميّة تالتة. نحنا اليوم بحاجة للصلا و للصوم و لقدّيسين! يا رب عطينا كل واحد منّا بمحيطو و قد ما بيقدر يساعد عا طريقتو حتّى كلنا نقدر نقطع هالأزمة و الله معكن!