الموضوع: قابلتهم هناك
عرض مشاركة واحدة
  رقم المشاركة : ( 1 )  
قديم 28 - 03 - 2020, 07:28 AM
الصورة الرمزية walaa farouk
 
walaa farouk Female
..::| الإدارة العامة |::..
الأوسمة و جوائز
بينات الاتصال بالعضو
اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 375,958
افتراضي قابلتهم هناك
قابلتهم هناك

أنا ف المستشفي قابلت
(اصحاب المفلوج اللي نزلوه م السقف) !!
شباب جايين يجروا بصاحبهم و متجننين
من الخوف عليه بسبب دور برد..

و ف نفس الوقت قابلت (اخوات يوسف) !!!
واحد بيغسل كلي اهله راميينه ف المستشفى
لوحده عشان 'بيقرفوا' منه ومن جو المستشفيات!!!

*******
أنا ف المستشفي قابلت (قايين) !!
شوفت واحد بيموت عشان محتاج كيسين دم
واخوه مستخسر يتبرعله عشان خايف علي صحته....

بس ف نفس الوقت قابلت (راعوث) !!
بنت مستعدة تدفع كل اللي معاها عشان تلاقي
سرير رعاية بس "لحماها"..ابو جوزها اللي مات!!
*******
انا ف المستشفي قابلت
(ألقانة زوج حنة أم صموئيل)!!
راجل ٨٠ سنة مستلف ٥٠٠ جنيه حق المواصلات
عشان بس يجى من اسيوط يعالج مراته...

و ف نفس الوقت قابلت راجل متعصب جدا
انه اشترى دوا لبنته ب٣٠ جنيه وقرفان منها و بيتمني تموت!!!

*****
انا عيشت و شوفت الناس اللي فضلت اقرا عنهم
ف الانجيل من يوم ما اتولدت!!!
قابلت ناس بتحب باللسان و الكلام و بس...
و ناس بتحب "بالعمل و الحق"!!!

انا ف المستشفي عرفت ان القصص دي ماطلعتش خيالية ولا حواديت بتتحكيلنا...
الناس دي طلعوا بجد و موجودين بينا و وسطنا!!

الناس دي مش ناس وهمية بنقرا عنهم وخلاص...
الناس دي يمكن يكونوا احنا و احنا مش دريانين!!
رد مع اقتباس