[walaa farouk]

الواحد لما يراجع التاريخ يلاقي ان حصل اكتر من (وباء)
في العالم في اوقات كتير من اول موسي
وهارون لحد الانبا باخوميوس في الصعيد
ولحد وقت قريب زي ايام الانبا ابرام أسقف الفيوم
ولكن أشهرها وباء (طاعون) عام 252م في جزء من الأمبراطورية الرومانية.. أطلقوا عليه اسم (طاعون كبريانوس)
- البابا ديونسيوس وقتها بعت رساله الي اسكندرية
يقولهم عن اللي بيحصل والواحد يتفاجئ بمحبة المسيحيين
وقتها اللي محدش يتخيلها
- البابا بيقول انه بسبب الوباء الجبار دا مات ناس كتير جدا
سواء وثنيين او مسيحيين ولكن الفرق مختلف
- لأن الوثنيين وقتها كانوا بيرموا المرضي
اللي قربوا يموتوا في الشارع وهما لسه أحياء من غير دفن
- ولكن المسيحين كانوا بيروحوا يزوروا بعض
ويقدموا المساعدات لبعض ودا كان
ممكن يكون سبب انه ينقل لهم العدوي ويموتوا وفي ناس
بالفعل ماتوا ولكن المحبه اللي ظهرت وقتها هي تنفيذ لوصيه الكتاب
" لا تتقاعد عن عيادة المرضى، فإنك بمثل ذلك تكون محبوبًا
" ( يشوع بن سيراخ)
" فَلاَ تَطْرَحُوا ثِقَتَكُمُ الَّتِي لَهَا مُجَازَاةٌ عَظِيمَةٌ."
-فعلا المسيحيين عبر الزمن كانوا شجعان
بمعني الكلمة ومحبتهم من القلب وإتحدوا اي ظروف او مرض او وباء وتمسكوا بتنفيذ وصايا الكتاب بدون تهاون او خوف او شك.