[souad jaalouk]

زوّادة اليوم: العيد جايي بظروف استثنائيّة

ماما جوعان شو في اكل؟ ماما وين تيابي؟ ماما موجوع، ماما تعبان...
متل كأنّو الماما غرفة طوارئ عندها حل لكل شي!
كل ايّام السنة ما بيِكفو تا نعطي للأم حقها مش بس اليوم!
منعيِّد كل ام ان كانت عالأرض او سهرانة عا ولادها من السما، و منقلها انتي هديّة العيد! منخص بهالعيد امنا مريم اللي بكلمة "نعم" غيّرت مجرى الكون و بصلواتها بعدها لليوم بتتشفّعلنا عند ابنها اللي ما بيرفضلها طلب!... يا رب عطينا نكون ولاد صالحين حتّى امّهاتنا وين ما كانو يشوفو حالن فينا و نقدر نعكس كل شي علّمونا ياه و ربّونا عليه بأحسن صورة. ما بدنا ننسى انّو هالسنة العيد جايي بظروف استثنائيّة، يمكن المحلّات مسَكرة بس اكيد انّو احلى هديّة فينا نقدّمها لأمّهاتنا هيّي الصلاة و مطلبلن الصحّة و طول العمر للّي بيناتنا و راحة النفس للّي سبقونا و الله معكن