[walaa farouk]

بيتزا المشروم صيامى ( للدايت )



المكوّنات
0.25 كيلو دقيق أبيض
ثُمن كيلو مشروم
0.5 بصلة
فصين ثوم
فلفل ألوان (أخضر علي أحمر علي أصفر عشان اللون يبقي حلو)
رشة فلفل أسود
رشة زعتر
رشة كزبرة ناشفة
6 معالق كبيرة صلصة (أو يا ريت طماطم فريش معصورة)
فرع بقدونس
معلقة خميرة فورية



الخطوات

هنقطع الخضار مع المشروم ونحط عليهم التوابل ونسيب المشروم
يتتبل في البصل والثوم ساعتين علي الأقل عشان طعم المشروم بيحلو أكثر لو متّبل.
..زيه زي اللحمة والفراخ بالضبط



في طاسة مبتلزقش هنحط المشروم والخضار مع ٣معالق صلصة و٣ معالق مياه (بدل الزيت)
...ونبتدي نشوّح المشروم (نص تسوية عشان لسه هينزل تحت الجريل أو في فرن لو عندِك فرن ☝️)
مع التقليب المستمر عشان ميلزقش في الطاسة

نيجي للعجينة بقي...هنعجن الدقيق مع مياه و خميرة فورية
(نحط المياه واحدة واحدة لحد ما العجينة تبقي طَرِيَّة وماسكة نفسها في نفس الوقت)
ونسيبها ساعتين لو عندك وقت ولو معندكيش مش مهم 😅...
عشر دقايق كفاية...وكله بيتاكل في الآخر 😅😅
نرش السطح اللي هنفرد العجينة عليه بالدقيق كويس ونفرد كويس بالنشّابة
ونشّكل العجينة علي الشكل اللي إحنا عاوزينه...دواير -مربعات -مثلثات، كله شغّال 😅😅



نحط ٣ معالق الصلصة


ونفردهم



ونرص المشروم



ونقطع البقدونس ونحطه فوق المشروم
ونضع دقيق باودر كفاية تحت العجينة وانا بأفردها ،

وبعدين أسوي الوش بتاعها تحت الجريل

و رشيت رشة بقدونس تانية و زعتر