09 - 03 - 2020, 10:24 PM
|
|
|
|
..::| الإدارة العامة |::..
|
|
|
|
|
|
قريت جملة عبقرية في كتاب بيتكلم عن حياة يوسف
، الكاتب بيقول فيها بما معناه، ان لو مكنتش المجاعة وصلت لأسوأ الدرجات
مكنش اخوات يوسف اتحركوا في اتجاه مصر، و مكانوش قابلوه،
و مكنتش كملت الحكاية زي ما وصلت لينا..
كانت اول مرة اشوف الزاوية دي من الحكاية،
و فتحت عيني علي حقيقة ان اللحظات اللي بنوصل فيها لأسوأ حال ضرورية،
و ليها دور اساسي في قصتنا،
لان من غير المستوي د من الضغط يمكن منتحركش و نعطل بتكاسُلنا عمل الله العجيب..
الاكيد ان الله ضابط كل تفاصيل الحياة،
و انه بيعمَل في كواليس الحياة المخفية اعمال عجيبة ابعَد ما يمكن ان يكون عن تصوراتنا..
الاكيد ان هتيجي لحظة و هنفهم ليه سمح للمجاعة بتاعتنا انها تكون بالقسوة دي
لدرجة اننا كان ممكن بدون رحمته نموت فيها..
اكيد هَيجي يوم و نبقي مش مستوعبين ازاي ربنا كان حابِكها بالدِّقة دي
عشان يخرجنا من المجاعة بإستجابات حتي مطلبنهاش مش مجرد يشبعنا!
الاكيد ان رغم الضغط، و رغم المجاعة، الله دايمًا صالح..
|