[walaa farouk]

هو حضن من ده بس وتتحل مشاكلي ...
هي " طبطبة " من دي بس وانسي الواقع المُتعب بتاعي ...
هي جُرعة حُب قوية من دي وقلبي الجعان هايشبع ...

مش محتاج ناس ... ومش محتاج زحمة ...
صدقني بقوا يزودوا التعب مش بيشيلوه ...
تعرف دول حتي فقدوا الأمل فيا وقالوا أني كئيب ومزودها ...
بس انت الوحيد اللي حاسس بتعبي ... وشايله معايا ...

صدقني أنا حتي مابقتش محتاج أسمع كلمة " بحبك " من حد ...
كله كذب كله حب مؤقت ... هاييجي وقت وهايخلص ...
أنا بس محتاج أسمعها منك وأنا هارتاح ...
قولي بس انك هاتفضل موجود مش هاتمشي
وأنا مش طالع من حضنك تاني ✋🏻
ايوة جوايا لخبطة كتير ...
بس كمية الراحة اللي بلاقيها وأنا معاك
، بتنسيني أي وجع وجرح قابلته بره ...

ببقي عارف وانا جايلك ان شيلتي تقيلة وصعبة ...
بس واثق في حضنك اللي عمره ما خيّب معايا ودايماً بيطلعني حُر ...
وشكراً ...
شكراً لأنك دايماً موجود ... عمرك ما انشغلت عني
ولا قل اهتمامك بيا ...
شكراً لأنك بتحتويني وكأن معندكش في الدنيا دي حد تاني غيري ...

شكراً أوي علي حضنك الدافي ...
شكراً أنه ببلاش ... مايسٓعش غيري ...
حضن كدة علي مقاسي ... يحتوي وجعي وبكايا اللي مابيخلصش ...

أوعدك اني مش هاطلع منه ...
مش هابقي غبي وأشحت حُب من الناس تاني ...
أوعدك أني أشبع منك أنت بس ... واكتفي بيك أنت بس ..