[walaa farouk]

من حقي افتخر بأرثوذكسيتي ❤️ مش أدافع عنها ✋🏻
لانها مش وضع إتهام ✋🏻
لكل اللي بيتهمونا بالتعصب 👇🏻👇🏻

واحد يطلع بفكرة جديدة، أو طايفة تقول كلام غلط وتحاربك !
ولما ترد على الهجوم وتقول ده كلام غلط يقولوا عليك متعصب !

أهو ده اللي حاصل في كل جيل تبقى أنت ماشي زي الفل
يطلعلك واحد بفكرة جديدة فأنت تقول لا ده غلط فالناس تلومك
وتقولك أنت ليه بتعمل إنشقاق في الكنيسة ؟!

هو أنا اللي عملت إنشقاق ؟! مش هو اللي بدأ يقول كلام مش صح
ولو سيبناه يقول كلام مش صح ، الناس نفسها بتنقسم !

ولأن شعبنا بيفهم ... تلاقيه باعتلك بيقولك سايبين الراجل ده ليه ؟
فيه كلام غلط بيتقال أنتو راضيين بالكلام ده ؟! أنتوا ساكتين له معناها راضيين !،
وفيه ناس بسيطة بتسمع وتتعلم كلام غلط !

تطلع أنت بقى تقول ده كلام غلط ، يقولك أنت متعصب !،
ده كده في تاريخ الكنيسة كلها ، على مستوى الأشخاص وعلى مستوى العالم !

طايفة تقول كلام غلط وتحاربك وأول ما ترد عليها تبقى وحش !..
هل معنى كده نخاف ؟ وما نردش ؟!وما نتمسكش بإيماننا عشان ما نتهمش اننا متعصبين ؟!

لا أتكلم بس بهدوء ... أتكلم بأعصاب هادية ، وبمنطق ،
وبأدب ، من غير ما أجرح في حد ، ولا أجيب أسامي ،
مش لازم أذكر أسامي ، حارب الفكر ، مش الأشخاص .

وفي الأخر النتيجة فيه ناس هتصر على اللي هى فيه ، خلاص هنعمل ايه
، فيه أكثر من يهوذا اللي جنب المسيح لازق فيه وضاع !!

نيافة الأنبا رافائيل