عرض مشاركة واحدة
  رقم المشاركة : ( 1 )  
قديم 15 - 02 - 2020, 10:05 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 374,648

يا بخت اللي رضي بحاله و شكر علي اللي اللي معاه

اللي في ايد الناس
مدهشة الحالة دي : اللي في ايدك يناسبك قوي و حلو قوي قوي ،
و مع كده اللي في ايد الناس يعجبك اكتر ، و يشدك اكتر و اكتر ..

الحالة الاولي : لو كان اللي عند الناس اقل من اللي عندك يبقي صدق عليك المثل
"الكحكة في ايد اليتيم عجبة " ..
اصل العين فارغة ، و بدل ما الواحد يشكر و يرضي ، يحلم باللي عند غيره
، و يبطل يشوف اللي عنده مهما كان رائع ، فيحصله عمي عن النعمة اللي في ايده
.. و بدل ما يبص لاكلته و يشبع و يفرح ، تجيله حالة "اكل و بحلقة" علي رأي المثل !! ..


الحالة التانية : لو اللي عند غيرك احلي من اللي عندك ، تحصل حالة عمي من نوع تاني ..
ينسي ان المناسب لغيره مش مناسب ليه ..

و ينسي كمان أن فيه حاجات شكلها حلو قوي مع الناس ،
بس ما يعرفش ضرتهم قد ايه ، و خدت في وشها راحة البال و نوم الليل و هدوء الضمير
و نعمة البعد عن المشاكل..


يعني الفلوس و العز و الشهرة و الابهة و المناصب و الهجرة و البيوت الغالية
ياما تعبت اكتر ما ريحت.. و اسألوا اللي معاهم تلاقيهم يتمنوا اقل من اللي معاك
بس يرجع لهم البال الرايق و القلب الفرحان ..


في الحالتين يا بخت اللي رضي بحاله و شكر علي اللي اللي معاه،
و رضي بالستر و راحة القلب ، غني اغني من كنوز الدنيا ..
رد مع اقتباس