[walaa farouk]

- كتير مننا للأسف بيتعود على خدمة معينة ... ومابيحبش يسمع صوت ربنا انه يغير خدمته .
- ربنا أوقات يرتب أحداث مختلفة ... علشان يطلعك من حياتك العادية .
- الخروج عن المعتاد ... ده بيبقى ترتيب من ربنا علشان نموك .
- أوقات ربنا يقولك ... اللي أنت اتعودت عليه جه وقت إنك تغيره ...
وفي دعوة جديدة وخدمة ووضع جديد هيبنيك وهيغيرك ... والشاطر اللي يقول حاضر يارب .
- احذر من التعود ... ربنا أوقات بيكون عايزك تعمل حاجات جديدة عمرك ماعملتها
هتحس بالعجز في الأول ... لكن ربنا هيسندك ويشتغل بيك ويعمل بيك حاجات عظيمة .
- لما ربنا يدعيك لحاجة جديدة عليك ... تأكد انه هيكون معاك وينجحك ويعمل بيك أمور عظيمة .
- أحذر إنك تكون بتقفل ودانك وتعند مع ربنا .
- في وقت عندك مع ربنا بتتكلف أكتر من اللي كنت هتتكلفه لو سمعت صوت ربنا .
- أحذر من شيطان اليأس ... لو اتغلبت من شيطان العند سنين كتير
اوعى تسمع للشيطان وتيأس ... ربنا مفيش أحن ولا أجمل منه وقابلك وبيشجعك .
- أحذر اليأس ... اعند زي ماتعند ... لكن اوعى تيأس .
- ربنا بيقولك ... لو انت عايز تموت نفسك ... انا مش عايزك تهلك ابداً
لو انت شايف نفسك ماتستاهلش ... انا شايفك تستاهل
لو انت مش عايزني انا عايزك
لو انت بايعني أنا شاريك
وهفضل وراك لغاية ما تعقل وترجع .
- العلاج الجذري للعند واليأس هو الصلاة .
- ارحم نفسك من قلة الصلاة ... هي الحل
اللي هيغير مودك 180 درجة هي التوبة والصلاة .
- خلاصك مرتبط برسالتك وخدمتك للناس ... أنت بلا قيمة طول مأنت بلا خدمة
وصولك للسماء مشروط بالناس اللي حواليك .
- خلاص مرتبط برسالتك ... وخلاص ورسالتك مرتبطين بصلاتك .
- مش هتخلص ومش هتعرف رسالتك في الحياة غير لما تصلي .
- لما تمشي في السكة اللي ربنا عايزك فيها ...
بتشوف عجائب عمرك ماشوفتها وبتتمتع طول السكة بعمل ربنا .
- الشيطان بيستخسر فيك الفرحة ... أحذر وحافظ على سلامك وفرحك .
- اللي اشتغل بيونان ... هيشتغل بينا
واللي بيحايل شخص عنيد زي يونان ... هيحايلنا
واللي قبل يونان بعد العند ده كله ... هيقبلنا
واللي قبل توبة نينوى بعد جبروت الخطية بتاعتهم ... هيقبل توبتنا .
- ربنا بيقولك حس بيا وبقلبي شوية ... انتم بتفكروا في تفاهات
وانا قلبي بيتقطع على الآلاف والملايين اللي بيهلكوا يوميا
حسوا بيا والحقوا الناس اللي بتهلك وسيبكم من الكرامة والفلوس والكلام الفاضي اللي بتجروا وراه