[walaa farouk]

لما ابرهيم غلط و قال عن سارة أخته و خدها فرعون لبيته ،
و مش عارف يصلح غلطته ، ربنا ضرب فرعون ضربات عظيمة
و خلاه رجع سارة لإبراهيم معززة مكرمة ..

أثناء ما يعقوب كان بيبكي علي يوسف
، كان ربنا ماسكه من ايده في طريق المجد إلي عرش مصر ..

و بطرس مسجون مستني الموت
كان الملاك بيصحيه علشان يفتح له باب السجن ..

أثناء ما زكا كان نفسه بس يشوف المسيح ،
عدي عليه و ناداه باسمه و بيت عنده نفس الليلة ..

أثناء ما التلاميذ كانوا بيصرخوا من الخوف في وسط أمواج البحر ، كان المسيح في طريقه ليهم علشان يسكن الموج و يسكته ..

و انت يا صديقي اوعي تخاف ،
و انت غرقان في مشكلتك هو بيرتب لك المخرج و المنفذ ..