[walaa farouk]

اللي تبعد عنه شبعان بعد جوع أو غني بعد فقر ، أو في منصب و مركز بعد ذل ..

لو ما اتصالحش مع نفسه يعيش يذل في الناس و يحرمهم اكتر مما هو اتحرم و يمكن اكتر ..

و لأنه ما شافش راحة، لا يريح و لا يرتاح، يعيش خايف من الفقر و هو غني ،
و يستكتر علي الناس حتي الفتات اللي بيقع منه ، و يبعتر في اللي عنده علي التفاهات،
و يدي ثقته للي ما يستهلوش من للنصابين و المنافقين، و يخسر اعز الناس و يسّرقهم و يطردهم..

و اللي تمسك فيه اللي يواجهك بالحق حتي لو زعلت ، للامين في غيابك عليك ،
للي ينصحك باللي في صالحك مش للي عاجبك، اللي يقف جنبك لما الكل يسيبك،
للي يحبك زي ما انت مش زي ما زي ما لازم تكون ،
اللي يحس بيك من غير ما تتكلم ، اللي يعملك اللي تطلبه بفرح و لا عمره يستني اي رد أو مقابل ..

الناس الحلوة دي ربنا زين بيها الكون زي ما زين السما ،
تنور في النهار شمس و في الليل نجوم ، تعطر الدنيا برائحة الياسمين ،
و تخللينا نحب الله فيهم، و نستطعم الحياة رغم صعوبتها بسببهم ، و يهونوا علينا غدر الناس و قسوتهم .