[walaa farouk]

بحب ف ربنا جداً انه لما يحب يستخدم شخص لمهمة صعبة
دايماً بيختار الحد اللي ف نظر الناس بيبقي ضعيف أو بيشوفوه مش كفء
كفاية للمهمة دي لكن هو بيعرف يستخدمه بصورة معينة يظهِر فيها للناس امكانياته وقدراته🙃
لما شعب اسرائيل طلب ملك ربنا مراحش اختار اغني واحد ولا اقوي واحد
..اختار شاول اللي هو نفسه لما عرف مصدقش
..اللي هو ربنا اختارني انا طب ع ايه 😯"فَأَجَابَ شَاوُلُ وَقَالَ:
«أَمَا أَنَا بَنْيَامِينِيٌّ مِنْ أَصْغَرِ أَسْبَاطِ إِسْرَائِيلَ، وَعَشِيرَتِي
أَصْغَرُ كُلِّ عَشَائِرِ أَسْبَاطِ بَنْيَامِينَ؟
فَلِمَاذَا تُكَلِّمُنِي بِمِثْلِ هذَا الْكَلاَمِ؟»." (1 صم 9: 21)🤔
حتي لما أعلن صموئيل للشعب ان شاول هو الملك .
. احتقروه واستصغروه “فَقَالُوا: «كَيْفَ يُخَلِّصُنَا هذَا؟».
فَاحْتَقَرُوهُ وَلَمْ يُقَدِّمُوا لَهُ هَدِيَّةً. فَكَانَ كَأَصَمَّ." (1 صم 10: 27)😐
احنا كمان أوقات مش بنبقي مدركين إمكانياتنا وقدراتنا أو ثقتنا ف نفسنا بتتهز بكلام الناس اللي حوالينا 🤦🏻‍
بس الموضوع بيتلخص ف رد صموئيل ع شاول
"لأَنَّ اللهَ مَعَكَ." (1 صم 10: 7) 🥰
لما تسلم ربنا حياتك وطموحاتك وأحلامك هو يعرف يستخدمها صح ف مكانها المظبوط👌
شاول لما سلم لإرادة ربنا وكان بيطيعه ف الاول ربنا وقف معاه ونصره ع أعداءه وع المشككين فيه 😇
لما ناحاش العموني كان عايز يذل شعب اسرائيل يقول الكتاب
"فَحَلَّ رُوحُ اللهِ عَلَى شَاوُلَ ." (1 صم 11: 6)
وشاول اللي كل الناس استصغروه واحتقروه انتصر ع ناحاش ويقول
" لأَنَّهُ فِي هذَا الْيَوْمِ صَنَعَ الرَّبُّ خَلاَصًا فِي إِسْرَائِيلَ»." (1 صم 11: 13)♥️
أنت مش ضعيف ولا صغير ولا معندكش إمكانيات .
. أنت محتاج تروح لربنا عشان هو يستخدمك صح وف المكانة اللي تليق بيك🙃♥️