[walaa farouk]

اقرأ الأول الآيتين دول كويس : "كان بولس وسيلا يصليان ويسبحان الله،
والمسجونون يسمعونهما..فحدث بغتة زلزلة عظيمة
حتى تزعزعت أساسات السجن، فانفتحت في الحال الأبواب كلها
، وانفكت قيود الجميع. (أعمال ١٦ : ٢٥ - ٢٦) ..

ده معناه ايه ؟؟

الصلاة يعني تكلم ربنا ، و التسبيح يعني تتكلم قدام ربنا
و قدام نفسك عن صفات ربنا ، عظمته و قدرته و حكمته و جلاله..

المشاكل جواك بتخلص، و سجن الخوف فيك بيتكسر لما تفتكر عظمة الله الفائقة
و امكانياته في حل المستحيل ..

التسبيح بيكسر كل سجن حابسك و كل قيود الخوف من الناس اللي مقيداك ؛
و بيحطم سلاسل الرعب من المشاكل اللي في حياتك ..

بدل ما بتركز علي السجن ، بتركز علي الله اللي خلق السجن و السجان ،
فنفسك تتحرر و روحك تهدي و عقلك يطمن..

و الجميل أن المشاكل بعد شوية بتخلص لوحدها و تقع من نفسها ..

اصل عدو الخير لما بيبعت لنا مشكلة و يلاقي أن احنا مش خايفين منها
بيلاقي أن استمرارها ملوش لزمة طالما احنا كده مطمنين حتي و هي موجودة..

أسوار المشاكل لا تصمد أمام التسبيح، زي ما أسوار أريحا وقعت قدام الهتاف الخالد :
"ويكون عند امتداد صوت قرن الهتاف، عند استماعكم صوت البوق،
أن جميع الشعب يهتف هتافا عظيما، فيسقط سور المدينة في مكانه». (يشوع ٦ : ٥) ..