[souad jaalouk]

قصه البابا كيرلس و بواب البطرخانه

فى يوم من ايام الشتاء جاء احد الاباء الكهنه الى البطرخانه القديمه الى البابا كيرلس ،
وكان ابونا له علاقه مع البابا كيرلس ومعتاد على الذهاب للبابا كيرلس ، وسيدنا كان يعرفه فى يوم .
ابونا جاب هديه بالطو تقيل للبابا كيرلس علشان يدفيه فى الشتاء ، خصوصا عارف ان البابا كيرلس بينزل كل يوم الساعه 4 الفجر الكنيسه يصلى تسبحه والقداس ، فالجو برد عليه . راح ابونا اشترى البالطو لسيدنا البابا كيرلس ( جاكت تقيل ) يدفيه ، وأعطاه للبابا كيرلس هديه .
فما كان من البابا كيرلس انه شكره ودعا له وكتر خيرك يا ابونا ومشى .
ابونا روح .
بعد اسبوع راح ابونا للبطرخانه تانى ياخد بركه بابا كيرلس ،
بيبص على باب البطرخانه لاقى العامل اللى ماسك البوابه لابس الجاكت الى ابونا جايبه للبابا كيرلس هديه ، طبعا هو عارف شكله ، وانه تقيل مميز .
فطلع ابونا لسيدنا البابا كيرلس يا سيدنا قداستك اديت الجاكت للعامل
قال له ايوه يابنى .
زعل ابونا ، وقال له : ليه يا سيدنا . ده تقيل حلو يدفى قداستك وده ليك .
البابا كيرلس رد عليه وقال له يابنى (( انا قاعد فى المقر ، وبطلع خطوتين من المقر للكنيسه ، وارجع ،
لكن ده راجل غلبان قاعد فى البرد على طول قدام الباب ، هو محتاجه اكتر منى ،
وانا راهب ممكن البس اى حاجه من تحت الجلبيه هتدفينى ))
هذا هو قلب البابا كيرلس ، اب حقيقى راعى امين يستاهل لقب (( ابو الغلابه)) .