[walaa farouk]

سلام للقلوب البيضاء و النفوس الصافية
في وشوشهم ، سلام للناس اللي بيخلوا الدنيا حلوة كل ما نشوفهم ..

سلام لكلامهم العسل، اللي بيشيل من حياتنا كل فشل ، و يملا الدنيا باحلي امل..

سلام للي كل ما يلاقوا حزين يفرحوه، و الباب المقفول يفتحوه ..

سلام للي كلامهم راحة و ترياق، و وجوههم دواء و شفاء ..

سلام لما نشوف ابتسامتهم و نسمع صوتهم و نطمن بوجودهم ..

سلام لكرمهم و عطائهم، لخيرهم و سخائهم، للراحة اللي بنحسها بجوارهم..

سلام لما يكونوا جنبنا، و لسيرتهم لما تيجي في فكرنا..

سلام للملاك اللي عايش جواهم ، و للنور اللي ماشي في خطاهم
، سلام لروحهم ، و احلي سلام لروحنا اللي عايشة جواهم ..