[walaa farouk]

هل سمعتم عن مسيح مصر؟
مسيح المصريين!!!!!
كل سنة فى عيد الميلاد ما كنتش اعرف اهرب من اعظم مقال قرأته فى حياتى عن
(مسيح العالم كله) لأبونا متى المسكين
مسيح الخطاة والمشردين واطفال الشوارع والمذلين والذين ليس لهم احد يذكرهم
مسيح الكل.. كل البشرية فى كل الازمان
المسيح المولود فى مزود والمصلوب على الصليب
من اجل.. المسيحيين واليهود والمسلمين
المؤمنين والملحدين واللادينيين ولا ادريين والوجوديين
الهندوس والسيخ والكونفوشيوسيين والبوذيين والزاراديشتيين والوثنيين
من اجل الغنى والفقير.. راكبى الهامر وراكبى الحمير
الكبير والصغير.. البيض والسود..
مسيح المدمنين والمجرمين والمثليين
مسيح العالم كله

لكن السنة دى بينقح عليا عرق التعصب
مانتوا عارفين ان مخى متركب بالمقلوب

وشاغلنى جدا مسيح مصر... مسيح المصريين
المسيح جالنا هنا على كتف أمه طفلا يقوته لبن صدرها الطاهر كان عمره اقل من سنتين
وقعد عندنا ٣ سنين ونص

يعنى اول بلعة مية شربها المسيح كانت من نيل مصر وابارها

يعنى اول لقمة خبز دخلت جوفه كانت من دقيق مصر وخبزها

يعنى اول وجبة طعام تذوقها بفمه كطفل كانت من انتاج حقول مصر ووديانها

يعنى اول خطوة مشيها على الارض عندما نزل من على كتف امه العذراء كانت على ارض مصر
بصمات قدميه انطبعت على طين هذا البلد

يااااااااااه
كم انتى محظوظة ايتها البقعة من الكرة الارضية اللى اسمك مصر
صحيح الانجيل قال مبارك شعبى مصر
لكن بالشكل اللى انا وصفته ده اقول
ومباركة ايضا ارض مصر
وده يفسر انه على قد الغلب اللى شافته البلد دى طوال تاريخها الا انها واقفة على رجليها
وفيها اقوى كنيسة وأحر صلوات واطول تسابيح واعذب الحان
واعظم تاريخ واكبر جيش من الشهداء والرهبان
مباركة ارض مصر