[souad jaalouk]

زوّادة اليوم: أنا بختار الكلّ

بيخبرو انّو بيوم من الأيّام، ليوني اللي هيّي اختها الكبيرة للقدّيسة تيريزيا الطفل يسوع، جمعت بصندوق، كل اللعب اللي عندن ياها اخواتها الزغار و قالتلن كل وحدة تختار كم شغلة بتحبّن حتّى تكبّ الباقيين. اجت تريزيا اخدت الصندوق كلّو و قالتلها "انا بختار الكل"! حتّى و لا لعبة ما تنكبّ... و هالشعار بقي معها بس كِبرت و بالفعل اختارت الكل و بتصلّي للكل حتّى و لا نفس تهلك و بتحبّ الكل و بتساعد الكل حتّى ما حدا يبقى ما بيعرف يسوع! و نحنا ايمتى رح نوصل لمستوى المحبّة اللي بيخلّينا عنجدّ نختار الكل بدون و لا استثناء؟...الله معكن