25 - 12 - 2019, 08:33 PM
|
|
|
|
..::| الإدارة العامة |::..
|
|
|
|
|
|
"ابو بلاش كتر منه" موضوع يستاهل ندرسه !!
الحاجة الرخيصة ما بنعرفش تمنها و لا قيمتها ، فغالبا بنستهون بيها ..
ده بيشرح ليه ولادنا ما بيعرفوش قيمة اللي بنجييه (طبعا مش علي طول )
لان الفلوس جت لهم من غير تعب .. و يوم ما يشقوا عليها ، ح يعرفوا قيمتها و يحرصوا عليها ..
و بيشرح لنا ليه اي حاجة ما بنتعبش علشانها ما بنحسش بغلاوتها ..
لو حد الدوا جه ببلاش بيطلع "مش مفيد" (غريبة مش كده) و بنرميه و نشتري غيره ..
و الكشف ابو بلاش يبقي الدكتور كروته و نروح نكشف عند أغلي واحد و نبقي مبسوطين ..
و لو الكتاب جالنا هدية ما بنقراهوش ...
و يظهر لان ربنا ببلاش مش عارفين قيمة محبته
، لكن المخدرات و المكيفات و المسكرات ، رغم ضررها ،
الناس تدفع فيها دم قلبها و تقف عليها طوابير ..
و انت نفسك لو رخصت مشاعرك ، ناس كتير مش ح تقدرها و ح تسييك
و تدور علي اللي يعذبها و يلوعها و تجري وراه !!
الدرس :
اللي يسترخصك اوعي منه و اوعي ترخص نفسك تاني معاه ..
خليك غالي عند نفسك .. فيه ناس -صحيح قليلة- عارفة قيمتك و غلاوتك ..
|