ياسيد ليس لي انسان ( يو 7:5 )
ساعات كتير بتحس بالوحدة مع انك في وسط الناس
ساعات كتير بتزعل ان الناس اتخلوا عنك في اكتر وقت انت محتاج ليهم
ساعات كتير بتبقي فاكر ان راحتك وشفائك في ايدين الناس
مستني المديح والشكر و التهاني والتفخيم والاحترام من الناس
ماتعرفش ان الناس فيه اللي بينافق واللي بيجامل واللي ليه مصلحة عندك
واللي يحبطك واللي يتكلم عليك كلام بطال
خليك مستني ربنا هو اللي يقدر يشفيك بكلمة من غير تجريح
هو اللي يقدر يديك سلام ويشفي النفس والجسد والروح
هو اللي يستر عليك وهو اللي يقدر مشاعرك واحاسيسك
هو اللي مش محتاج اي حاجة منك غير انك تكون معاه
هو اللي يجي في الوقت المناسب ويقولك قم احمل سريرك وامش
وترجع ساعتها بقوة جديدة تقدر تقول بيها لكل الناس
مش محتاج مديح ولا كرامة ولا تعزيه ولا شكر من حد
يكفيني شئ واحد بس ان ربنا حاسس بيا وبكل اللي فيا
يقدر مشاعري ويخاف علي