[walaa farouk]

هدف كل نشاط وعمل بنعمله هو الخلاص 👌🏻
خلاص المخدم ده أهم حاجة ... أحنا مش جايين نعمل نشاط أجتماعي
أو طائفي خلاص المخدوم هو الهدف 🤚🏻
أيه دورنا ؟! أيه مسئوليتنا في خلاص المخدوم ؟!؟؟
المثلث_الخلاصي
المثلث الخلاصي ليه ٣ زوايا ان مكنش الثلاثة يشتغلوا مع بعض مهيحصلش خلاص للمخدوم ..
. المثلث ده هو ( ربنا _ الكنيسة _ المخدوم )
ربنا ☝🏻 ربنا عمل كل شي من اجل خلاص المخدوم تجسد وفدانا علي الصليب
وأدانا نعمته والأسرار والروح القدس ساكن فينا . ربنا عمل كل شئ
عمل اللي عليه ومستعد يعمل فينا تاني 🙏🏻
الكنيسة 💒 الكنيسة قامت باللي عليها ولازم تقوم باللي عليها
واي تقصير يبقي فيه خطر علي المخدوم ... الكنيسة هي مين ؟!!!!
الكنيسة مش بس اللي لابسين جلبية سودا لا 🤚🏻
الكنيسة تبدا من سيدنا البابا والأساقفة والكهنة والخدام ...
في خدمتنا أسال نفسي 👇🏻
+ هل أنا قدمت النموذج الطيب ؟
+ هل أنا صرخت لربنا في الصلاة لأجل خلاص المخدوم ؟
+ هل أنا قدمت له كلمة حياة ؟
+ هل أنا بدري وبنمي نفسي علشان أقدر أخدمهم ؟
+ هل أنا قدمت الرعاية الفردية ؟
ودوّل يعتبروا الترمومتر بتاعنا اللي بيقيس حرارتتا الروحية في الخدمة ☝🏻
النموذج 🤔
الناس مش محتاجة مني أن أعظ ولكن أن أكون عظة ✋🏻
الوعظ مالي الدنيا وموجود في كل مكان ولكن 👈🏻
عظ بنموذجك لان الناس هتخلص بنموذجك وقدوتك أكتر من كلامك ...
مهم لينا اننا نراجع سلوكنا وحياتنا كخدام ... هل بنقدم نموذج حي ولا معثر ؟
العثرة جاية جاية ولكن يا ريت متجيش عن طريقي ولا عن طريق حد فيكم 👌🏻
الصلاة 🙏🏻
الصلاة أقوي مؤثر في حياة المخدوم ... في أيه في أشعياء بتقول ( من جهة عمل يدي أوصوني )
ربنا بيقول أوصوني علي أولادي ... فصلي من أجل ولادك في الخدمة .
الكتاب_المقدس 😍
كلمة ربنا هي بشارة حياة ... الخادم يقرأ الإنجيل ويشبع بيه وينقله لأولاده بالطريقة اللي تناسبهم .
.. علموا ولادكم كلام ربنا فيخلصوا ✋🏻
الدراسة 📓
كلنا محتاجين أن ندرس كثيراً . لازم ندرس الكتاب المقدس وندرس علوم الكنيسة ..
. مينفعش خادم غير قراء ✋🏻
الأفتقاد 🤗
هل قدمت الرعاية الفردية لكل واحد باسمه وكل واحده باسمها ؟ طيب أخبار السجل بتاعك أي ؟
دور علي ولادك وحاول تجيبهم يحسن يكبروا بعيد عن الكنيسة
ويصعب أنك تجيبهم الكنيسة لو كبروا بعيد عنها !!!
كملوا السجلات وأفتقدوا في البيوت أهتموا باولادكم ✋🏻