[walaa farouk]

فَشْخَر ، يتفشخر في اللغة الدارجة يعني التباهي والتفاخر بما يملك من اشياء ثمينة
امام اصحابه والاخرين، او يتحدث عن تاريخه او اعماله وانجازاته بشيء من العلو .
. والاصل للكلمة فخر ومفاخرة ..

هو ده داء مجتمعنا..

نص الشقة لا نستخدمه حرفيا ، تقريبا و لا عزومة واحدة،
بس عندنا سفرة ضخمة و نيش اضخم،
و مفيش تقريبا عزومات و في الاخر يا بناكل في المطبخ يا في الطرقة
، بس علشان الناس يقولوا أن احنا مقتدرين..

و الصالون برضه مدهب و غالي نار و مقفول عليه في أوضة لوحده ، لناس بنشوفها في السنة مرة
، و إحنا مقضيينها في الليفنج قاعدين السنة كلها ..

نشتري أغلي ايفون تمنه الالاف، و احنا معناش أساسيات الحياة علشان يتقال أن معانا آخر موديل ..

نعمل فرح ضخم ممكن يكلفنا مرتب ٥ أو ٦ سنين،
و كام ساعة و تخلص الليلة بس علشان الناس ما تاكلش وشنا ..

و كمان نحيب شبكة بعشرات الآلاف و احنا مش لاقيين نسد ديوننا علشان التقاليد و العرف..

و بعد ده كله نشتكي من الفقر و الضنك و ضيق اليد ..

بدل "الفشخرة " الكدابة قدام الناس رتب أولوياتك و اعمل احسن حاجة لنفسك
، بس مش علشان الناس تمدحك..

و كده كده الناس ح تنسي و انت اللي ح تدفع تمن "فشخرتك" لما تيجي زنقة و ما تلاقيش اللي يكفيك