[walaa farouk]

ربنا يوقف لك ولاد الحلال

دعوة برائحة الياسمين و بعبير الملايكة .. مين ما سمعهاش قبل كده ؟؟

عاوز تعرف ازاي ولاد الحلال بيفكوا لك زنقة ، أو يجنبوك ضيقة ،
أو يفتحوا لك باب ما كانش ممكن ينفتح ؟؟

ادي من غير مقابل و من كل قلبك ..
خليك معطاء حتي لو ما لقيتش من الناس عطاء
، انت بتدي الخالق مش المخلوق، و احتياجك لبركات العطاء اكتر من احتياج من تعطيه ..

الخير اللي انت بتديه بيلف و يرجع لك بس متنكر في صور كتيرة ،
أحلي صورة ليه هي "ولاد الحلال" ،
اللي بيمهدوا ليك الطرق الصعبة من غير ما تطلب و من منين ما تروح ..

يارب يوقف لك ولاد الحلال و يديك اكتر نيتك و من كرمك ..