[walaa farouk]

بصوا بقي خلينا نعمل حاجة ايجابية شوية
صيام الميلاد بكرة وعاوزين نصوم صح
الصوم مش مجرد صوم عن الاكل وبس
عايزين نملي يومنا بأن احنا نصلي ونقرا في الكتاب المقدس
وده عشان ميبقاش عندنا وقت فاضي والوقت الفاضي بتبقي فرصه لابليس وبيستغله للخطايا
كل يوم نفتح الكتاب المقدس ونقرا فيه او نقرا الاصحاح اللي انا ببعته كل يوم
ونصلي مرتين في اليوم باكر مثلا لو بتصحي اصبح لو بتصحي متأخر شوية نصلي الساعة التالتة او السادسة
ونصلي الغروب او النوم
كل صلاة خمس دقايق يعني 10 دقايق صلاة في اليوم
ونقول 10 دقايق للاصحاح او الاتنين
يعني حوالي نص ساعة في اليوم نحاول نقدمهم لربنا
كتير مننا بيقعد عالسوشيال ميديا بالساعات ناخد منهم نص ساعه لربنا
ممكن تحمل ابليكشن للكتاب المقدس والاجبية عشان لو انت بره
والموضوع مش هيبقي مقتصر علي صيام الميلاد بس هنكمل بعد كده
في كتاب اسمه قوة العادات بيقول
عشان تبني اي عادة جديدة محتاج 21 يوم تفضل تعمل الحاجة دي
لو فضلنا لمدة 21 يوم نعمل كده هنتعود علي كده
ولو عايزين نتخلص من عادة سيئة محتاجين 90 يوم نمسك نفسنا
ومنعملش العادة دي وبعد 90 يوم مش هتعمل العادة دي خالص تاني وهتنساها
عايزين كلنا نبتدي مع بعض
بداية_جديدة