شكراً ليك يا الهنا الحي
حبك لينا كلنا البشر ماله زي
مالي حياتنا وبيوتنا ضي
شكراً ليك يا مسيحنا الغالي
يا اللي اشتريتنا بدمك الغالي
وحنيت علينا واتبنيتنا يا قدوس يا عالي
شكراً ليك يا ربنا العظيم
عملك في حياتنا مهيب وعظيم
يا اللي مغرقنا بمحبتك ومراحمك يا كريم
شكراً ليك يا يسوعنا ونقولها بملئ اللسان
وهانفضل نقولها على مدى الاجيال طوال الزمان
شكراً ليك بنحبك وبنقولها بفخر لكل انسان
شكراً ليك يا ربنا القدوس
خلصتنا بحياتك يا مخلص النفوس
بنسبحك بنعظمك بنعليك يا راعينا الصالح القدوس
شكراً ليك يا الهنا البار
يا اللي حملت عنا خزينا وصليب العار
وصرت لعنة من اجل خلاصنا ايها الحبيب البار