[walaa farouk]

فى بداية كل سنه بنورط نفسنا فى وعود كتير لربنا و لنفسنا
, وعود بالتغيير و بالبدايه المثالية و للأسف كل سنه جديده
بتورث نفس الوعود القديمة من السنه اللى قبلها .
و ده بيخلى الواحد فينا يسأل نفسه : هو البيضه بتبقى فرخة الأول ؟
ولا الفرخه هى اللى بتجيب البيضه ؟!
هو علشان أبدأ البداية اللى فى خيالى المفروض أبعد عن كل حاجه غلط
كنت بعملها بالتالى هبقى انسان كويس ؟
طب ما فيه ناس كتير أفعالهم صالحه لكن مايعرفوش المسيح !!
ولا المفروض أكلمه و اقرا كلمته بالتالى هو يقبلنى ؟
طب هيقبلنى بعد كل اللى عملته؟ ..
ايه الصح؟ ابعد عن الاسود ولا أدور على الأبيض؟ ..
و فى وسط كل الحيره دى بتعدى اسابيع و شهور و hop نلاقى نفسنا بنعيد نفس الوعود
مقدمة طويلة بس المفاجاة انها مش مقدمة .
. اللى فات ده هو الموضوع , هو واقع كراكيب موجود أضعافها جوا نفوسنا
و علامات الإستفهام الكتيرة دى هى طريقتنا احنا فى إيجاد الحلول ..
و الكلام اللى جاى مش رغى و حشو و كلام مكلكع بفلسفة .
. السطرين الجايين هما سطرين بس لأن ربنا دايما حلوله سهله و واضحه ,
المسيح بيقول : "هنذا واقف على الباب و أقرع ,
إن سمع أحد صوتى و فتح الباب أدخل اليه و أتعشى معه و هو معى"
عايز إيه أكتر من انه مش مستنيك تروحله ولا حتى مستنيك تسيب بيتك أو حياتك الغلط
.. هو allready واقف على باب حياتك الغلط و محاوطها من بره
و مستنيك بس تفتحله الباب ..
سيب فى إيديه كتالوج حياتك و هو هيformate
كل القديم و يsetup ليك حياه جديده مليانه بيه
و انت كمان هتملى محبته و افتكر دايما آخر كلمتين "و اتعشى معه و هو معى"