[walaa farouk]

"ربنا يجعل في وشك القبول" و "ربنا يحبب فيك خلقه" .
. اجمل دعوة تسمعها من ماما و بابا ..

القبول له مسببات: امانتك، صدقك و طيبة قلبك
، كفاءتك، اخلاصك و اخلاقك، لسانك الجميل و ابتسامتك الحلوة ، ضحكتك الصافية ، اهتمامك بالناس و كرم أخلاقك..

انما القبول وراه سر كبير ما حدش فاهمه قوي .
. فيه حاجة بتطلع من قلبك توصل للناس .
. حاجة كده جميلة ، راحة و نور و سلام من كيانك
، دفء من مشاعرك..

ده سر ربنا اختص به ناس ، لأن روحهم نقية
، و قلوبهم صافية و نيتهم بيضا و شفافة ..

ده اللي بيخليك تفتح القنوات (مثلا)
تلاقي نفسك مش قادر تكمل فرجة علي حد
، و بعدين تلاقي نفسك مشدود تقعد قدام واحد تاني
، يمكن اقل كفاءة و شطارة ، لكن هو ده اللي بيحصل ..

ده برضه اللي بيخليك تقابل حد و تنفر منه
من غير سبب واضح ، وواحد تاني تحبه و تحب قعدته
و كلامه و روحه ..

هي كده ، مترتبة كده ، أن فيه هدية جميلة ربنا بيديها لحبايبه
.. الناس دول اشتغلوا علي نفسهم ، صلوا و عاشوا اتقياء و انقياء
، حبوا في السر الكل و خدموا من غير ما يستنوا حاجة من حد
، بس ربنا حب يعرفنا عليهم من غير ما يسعوا و لا يطلبوا ..

الناس دول لو دورت وراهم تلاقيهم عملوا خير كتير
من غير ما حد يطلب ، و تلاقيهم اكرموا اهاليهم
و احترموهم و باسوا أيديهم و عاشوا في طاعتهم..

الناس دول تلاقيهم ما بيحبوش حد يتكلم عنهم
و لا يعرف عنهم حاجة لأنهم بيراعوا ربنا قبل اي حد ..

الناس دول لما تلاقيهم بتلاقي كنز ، كنز من الفضيلة و النور و الجمال..