[souad jaalouk]

زوّادة اليوم: ما توقّف تكون إنسان طيّب

بيقولو الناس نوعين: ناس بتشوفك طيّب بيحبّوك و ناس بيشوفوك طيّب بياكلوك!
بس عا كل الحالات ما توقّف تكون انسان طيّب!
اوقات بيكون عندك الف سبب لتعامل متل ما بتتعامل و لترد الشر بالشر، ما تنجرّ ورا هالإشيا و خلّيك طيّب. صرنا بوقت بيقولو حرام قلبو طيّب متل كأنّو الطيبة صارت عيب و نقطة ضعف! شو ما قالو كمان ما توَقفو تكونو طيبين...بيقول احد القدّيسين: "قلبًا نقيًا اخلق فيَّ يا الله..." و بيقول الربّ يسوع: "طوبى لأنقياء القلوب، لانهم يعاينون الله"...شو ما صار و قد ما كانت الظروف صعبة و التحدّيات كتيرة حافظو عا طيبتكن لو قد ما كشّر الشر عا نيابو بوجهكن و الله معكن