[walaa farouk]

محتار ؟؟
مشكلة مدوخاك و مش لاقيلها حل ؟؟
حد مضايقك و ظالمك أو كسر قلبك و مش عارف تعمله ايه ؟؟
قرار كبير مخليك تلف حوالين نفسك و مش راسي علي بر
، مرة فوق ومرة تحت او مرة موافق و مرة رافض ؟؟

افتكر أريحا و الدوران المستمر حوالين اسوارها الحصينة ..

ده وصف دقيق لحيرة شعب الله الضعيف
قدام أسوار أريحا الحصينة اللي امتدت
في دايرة قطرها ١٢ كيلومتر (!!) ..

نعمل ايه ؟؟ أسوار بالضخامة دي نخش منها ازاي ؟؟

و بعد ما داروا حواليها كل يوم (!!) لمدة ٦ أيام
، و في اليوم السابع داروا ٧ مرات (تخيل الدوخة و الارهاق النفسي و البدني) ، سقط السور في مكانه بعد هتاف الإيمان (راجع يشوع ٦) ..

ربنا حلها من عنده ، بعد ما الدوخة و الافكار و الصراعات النفسية
انهكت العقل و النفس ..

كده ربنا بيجي بعد ما امكانيات عقلك تخلص
، بعد ما نفسك تفلس، و الافكار تتوه،
و بعد ما كل الناس ما تلاقيش فيهم رجاء ..

الحل يجي من فوق ، المشكلة تخلص لوحدها ،
و تقع في مكانها ، اللي مضايقك يعتذر لك او يمشي أو يتخرس
، المشكلة تتحل لوحدها ، تلاقي قلبك ارتاح لقرار معين فجأة ،
تلاقي حد ظهر من حيث لا تدرى و جاب الحل معاه ،
تلاقي باب جديد اتفتح ..

و لما تخلص حساباتك علي مفيش و رصيدك يبقي صفر ،
ينابيع السما تيجي لك و معاها كل الخير و الراحة و الفرح ..