[walaa farouk]

كنيستين لأمير الشهداء مارجرجس اتحرقوا
.. و السؤال : منين هو سريع الندهة بيحمي ولاده ،
و منين ما قدرش يحمي نفسه؟؟

مش معني الحماية الإلهية أن لازم معجزة تحصل ..
و الا كان السيد المسيح اللي عمل كل المعجزات العظيمة للناس
خلص نفسه من الألم ..

و هي دي تجربة الشرير لينا و اللي حارب بيها المسيح
و من بعدها كنيسته من اول التجربة علي الجبل :
إن كنت ابن الله أطرح نفسك من علي الجبل " (متي ٤ و لوقا ٤)
، الي يوم الصلب لما اللص غير التايب قال له
"إن كنت أنت المسيح، فخلص نفسك وإيانا"
(متي ٢٧ ، مرقس ١٥ ، لوقا ٢٣) ..

مارجرجس نفسه اتعذب فوق الطاقة ٧ سنين ،
و ربنا ساب الامه شهادة لينا علي ايمانه،
وكان سبب في ايمان الآلاف..

كنيسة البطل المحروقة شهيدة و شاهدة زي صاحبها ..
و ياما كنايس اتحرقت و ايماننا زادته النار صلابة ،
و بعد الموت قيامة..

النار تبقي رماد و تنطفي، و الخير يجي وراها يجري..

اوعي تتهز يا صديقي انت ابن البطل و من نسل أسود الإيمان ،
اللي هزموا الشر بالخير و النور و السلام ..

و الاسود لا تخاف ..