ابنى العزيز...
انتهت اجازة الصيف
واديك راجع تانى للمدرسة
خلى بالك م الطريق
وتجارة يابنى..
زى طب..
زى هندسة..
نهاية واحدة ونتيجة معروفة
ولو بتحب أبوك صحيح
أرجوك .......
لاتأكل االحلوى المكشوفة
وان سألوك عن مصر
قولهم مصر مين فيهم؟؟؟
دى.
ولا اللى مخطوفة!!!!!
ابنى العزيز....
اهتم بنظافة قلبك
وسلامة اسنانك
واشترى دماغك
وأوعى تصدق ان أبوك
اتغرب يوم علشانك
وان سألوك عن مصر
قولهم مصر مين فيهم؟؟؟
دى..
ولا اللى بالى بالك!!!!!
ابنى العزيز.....
اشرب اللبن قبل ماتنام
واللى تقوله المدرسة انهاردة
بكرة تكدبوا الايام
وأبوس ايدك
اوعى لما تكبر
تشتغل ف الاعلام
وان سألوك عن مصر
قولهم مصر مين فيهم؟؟؟؟
دى...
ولا اللى منشورة ف الاهرام.