[walaa farouk]

مجموعة من الناس بيسمعوا مسرحية جميلة فيها اغاني اجمل ..
ناس تفاعلت مع كلماتها الراقية و الحانها الشيقة بالتصفيق
و الهتاف الأنيق ..

لكن اول الصف جلس مجموعة من المستمعين بلا ادني تفاعل
، وجوه متجهمة لا تبتسم ، و عيون لا تلمع بالاعجاب،
و احاديث جانبية تشتت الكل ، و تدل علي الاستهتار و عدم الاكتراث..

كسروا نفس الممثلين ، و المستمعين و خلوا القعدة تقيلة و مضلمة ..

نفس اللي بيحصل في معاملة الناس..
الدنيا مسرح كبير كل واحد بيؤدي دوره ،
و علشان ينجح عاوز اللي يسقف له و يشجعه
و الا سراجه ينطفي و همته تموت..

بص للمعة عين طفل و انت بتشجعه ،
أو بتمدح صوته أو هدومه أو نجاحه ؛ بص لمشاعر أي حد جنبك
و انت بترفع نفسيته بكلامك المشجع و تقديرك لتعبه و مدحك لصفاته..

و بعدين بص لوجه إنسان كان مستني منك كلمة تشجيع واحدة
و خذلته، و شوف مشاعر الهزيمة و الإحباط في عينيه
و انت تعرف الفرق .. فما بالك بقلبه اللي اتكسر
و روحه اللي اتوجعت منك ..

لو ما بتعرفش تشجع ما تجيش، أو علي الاقل اقعد ورا !!