[فرونكا]

امى يا عدرا يا ضى عنيا
دايما بتيجى تمسكى اديا
وبقلبك تصليلى وبعينك تحرسى عليا
مش عارفة اقولك اية ولا عارفة اعملك اية
ماانتى دايما مش سايبانى وحاسة بكل اللى فية
فى الضيقة بلجا ليكى وفى وقت الشدة بحتمى فيكى
مهما يا امى عملت ليكى عمرى ماهقدر اوفيكى
انتى الحب والحنان والدفا وكلك امان
لما بكون معاكى يا عدرا بنسى كل الالالم
عينك عليا يا عدرا عالطول مش بتسبينى مهما اكون
دانتى امى الحنون اللى معاكى بنسى الهموم
ولما بتكلم معاكى بحس انى قاعد وياكى
فى سما مليانة حمام طاير ويانا
وتراتيل والحان تملانى بالايمان
اصلك امى الاصلية اللى بتدينى محبة وحنية
لما بزهق من الدنيا اجرى اجيلك فى ثانية
اصلك دايما بتسمعينى ولا عمرك بتخذلينى
وكل طلباتى تحققيلى ولا عمرك تزعلينى
ياااااااا على طيبت قلبك وحنانك محافظة دايما على كل عيالك
انا بحبك اوى اوى اوى يا اعظم ام فى الدنيا