[walaa farouk]

كان لسه فاضل صور متصورنهاش
كان لسه فيه كلمات ماقولنهاش
كان لسه فيه اسرار ماحكينهاش

كان لسه فيه حضن اقوي كنت هاحسه جواك
ونجاحات كتير نجحتها لكن كانت ناقصاك
وحكايات نفسي احكيها فرحتها مش فيها
لكن في الكلام معاك ياما كلام فاضل
وياما مشاوير وياما احضان لكن خدت خلاص درس في "فلسفة الفقدان"
وان زي ما فيه حياة فيه موت وزي ما فيه مكسب
لابد يوم وتكون خسران مش بسودها عليك
ولا بطفي الشمعة لكن ده كلام "سفر الجامعة"

علشان كدة
متقبل الخسارة وانا كسبان وببكي الدمعة وانا فرحان
الحياة مشوار مش فوز وحصول والمتعة في الرحلة مش الوصول
والشجاعة في مواجهة شبح الفقدان وهفكر نفسي وهفضل فاكر

قابل بكل الرضا دنيتي واختياري وحريتي
في التعلق بالهي العظيم حريتي لا في مكان ولا زمان
ولا من حد كان او ظروف ومن رحم المعاناة هنطلق

هنطلق رغم الخسارة في الهي تتحول لمكسب
حتي لو الامر صعيب هتعلم الوداع
هناك عند الصليب علشان أقوم معاه
لما اسيبها و أغيب ما هو قوة الحب
مش دايما اني امسك الحر الحقيقي هو اللي بيقدر يسيب