[walaa farouk]

ذرات المشاعر و ذرات الدهب

قصة عجبتني (منقولة) ..

في أضخم منجم للذهب في ( داكوتا الجنوبية ) بأمريكا ،
بيتم سحق المادة الخام وتنقيتها حتي يتبقي الدهب ..

و علشان مفيش ذرة دهب تروح، بيخلوا عمال المناجم يستحموا و يغسلوا هدومهم
قبل عودتهم إلي بيوتهم علشان يحافظوا حتي علي جزئيات مسحوق الذهب الدقيق العالقة بأجسامهم ؛
بعد كده تصفي مياه الغسيل لاجتذاب جزيئات الذهب الدقيقة ،
و لما تبلي الملابس أخيرا ، تتحرق ، و بعدين يتم فحص حتي الرماد بحثا عن غبار الدهب..

النتيجة بيستعيدوا في السنة الواحدة كمية من مسحوق الذهب تعادل " ٤٠٠٠٠ دولار "

من أجسام وملابس عمال المناجم ..

ده تصرف مالك المنجم الشديد الحرص ان مفيش ذرة دهب يخسرها ..

القصة كده خلصت..

كده مشاعري عند ربنا ، زي الدهب و أغلي، مفيش ذرة فيها ما بيهتمش بيها
أو يحس بيها معايا .. كل زعلة ، كل وجع ، كل ظلم و غدر و تخلية ..

ايده بتلم من ورايا كل ده لانها غالية قوي قوي عنده ، و يعوضني و يلاطفني
و يعزيني و يخفف عني لغاية ما يرجع لي قلبي المجروح مشفي و متعافي ..

مرة يكلمني في آيات كلمته ، مرة علي لسان حد من حبايبه و ملايكته،
مرة يهمس في قلبي و يملاه عزا و شفا ..

المهم كل نقطة مشاعر دهبية راجعالي من ايده و بنفس حلاوتها و غلاوتها..