[walaa farouk]

قررت تخدم يعنى قررت بكامل ارادتك
انك داخل تضحى بوقتك وصحتك وجهدك ومالك
عشان خاطر الكنيسة وولادها.

•قررت تنزل لحاله حرب شرسه و مشاكل ومضايقات كتير من الشيطان.

•ادركت ان وزناتك هى أمانة ادهالك ربنا عشان تتعب وتتاجر وتسهر وتضحى وتبذل مش عشان تدفتها فى الرمله

•الخدمه مافيهاش تهاون ولا كرامة ولا عمرها
كانت حقوق ورتب وتقدير ومجاملات
الخدمة قواعد و قوانين يجب أحترامها وتقديرها
من اصغر لاكبر خادم

•الخدمه انك تدرك انك بتخدم مش عشان انت
كويس..انت بتخدم عشان تبقى كويس

•تدرك انك نازل تسلط الضوء على صاحب الخدمة وحده
وان مهمتك انك تختفى عشان هو يظهر..

-لو وصلت لمرحلة نفسية صعبة.. ماتسبش خدمتك

-لو حالتك الروحية اتدهورت ..ماتسبش خدمتك

- لو عندك مشاكل ملهاش اول من آخر .. ماتسبش خدمتك

- لو مش قادر تتأقلم مع الناس اللي في الخدمة .. ماتسبش خدمتك

- لو ظروف الشغل مش هتخليك تعرف تخدم زي الاول ..
ماتسبش خدمتك

- لو محدش مقدر تعبك كأنك مبتعملش حاجه ..
ماتسبش خدمتك.

ماتسبش خدمتك الى خلتك راعى فى كرم إله قوى
وعد يسندك و يغيرك و يديك من كل تعب بتقدمه
بركه كبييره فى حياتك.
وعد انه يخليك تشوف ايديه بأختبارات و معجزات طول الفتره اللى بتخدمه فيها..

اختار تخدم و تقدم كل اللى عندك حتى لو كان فى نظرك قليل