[walaa farouk]

الحرب

المشهد الاول
هو فين اصلا القميص اللي قولتلك تكويه
اة انا نسيت فعلا هخلصه في ٥ دقايق
علشان انتي مش مركزة معايا اصلا
ما انت مش حاسس بتعبي طول النهار
المشكلة هنا بدأت ..

المشهد الثاني
انا تعبانه اليوم كله خلاص بجد مش قادرة
يعني هو انا اللي بلعب ما انا تعبان بردوا زيك
هو انت مش مقدر
ما انتي مش مقدرة
و تبدأ المشكلة ..

المشهد الثالث
خالي بالك من الولد
يوووه هو انا هعمل كل حاجة
هو انتي بس اللي بتعملي
تبدأ المشكلة ..

الحرب .. في احيانا علاقات بتكون عبارة عن حروب .
. معركة يا تري مين اللي هينتصر فيها ؟ ده تفكير البعض في العلاقات .
. بيتعاملوا بنظام مين هيكسب الجولة !!
و ده طبعا بيسبب مشاكل بل انهيار كامل للبيوت احيانا ..
محدش فينا اتعلم ان لما طرف يشد يبقي لازم احتويه ..
الاغلبية اتعلمت لما طرف يشد (( متسكتلوش )) احسن يتعود علي كده !!

العلاقات الزوجية مش صراع علي من الاقوي ..
العلاقات الزوجية هي حب و احتواء ..
لو الحب انتهي من العلاقة اصبحت جافة و ساحة معركة للقتال ..
١٠ دقايق للعقل قبل الرد .. فكر بس في محتوي كلام اللي قدامك و ظروفه
و هتعرف او تعرفي بعد كده ترد ازاي ..
لو ١٠ دقايق تفكير في ان اللي قدامك محتاج دعم او انه متأخر عن ميعاد
او راجع تعبان و تخيلت نفسك مكانه هترد وقتها بما يناسب الموقف
مش كأنك بتحارب من اجل رأيك ..
فكروا قبل ما تتكلموا .. هتحلوا نص مشاكلكم.