[walaa farouk]

مشكله الصداقات و خاصه في الغربه!

فعلا الصداقات صعبه في الغربه لان كتير منها بيبقي بدافع اننا بنقرب من بعض
عشان منبقاش لوحدنا و للأسف النوع ده من الصداقات بيبقي صعب يكمل و بيجرح.

ليه ؟

لانها مبنيه علي خوف من الوحدة مش حب في الآخر بس.

اختيار الاصحاب المفروض يبقي ليه معايير و بالتالي أما العلاقه تقرب اكتر
و تبقي صداقه تبقي أمان و دفئ حقيقي مش مجرد ونس و ضحك
و اول ما نعدي في وقت صعب تختفي العلاقه.

عشان كده عندي كم اقتراح:

•اشتغلي علي علاقتك بنفسك عشان احتياجك للعلاقات مايبقاش مرضي.
•مدوريش علي اصحاب عايزينك بس فرفوشة و لذيذة.
•خلي عندك حدودك و متروحيش ولا تعملي حاجه مش مقتنعه بيها.
•خليكي علي طبيعتك و متغيريش شخصيتك عشان تتقبلي او تتحبي.
•خلي بالك من الاصحاب اللي بيتكلموا علي أصحابهم وحش لان هيجي عليكي الدور.
•بلاش تكتفي بعلاقه واحده او اتنين او حتي ثلاثة ..لكن وزعي حبك و اهتمامك علي اكتر من حد.
•متتسرعيش في العلاقه و خليها تطور واحده واحده.
•واجهي و اشتغلي علي العلاقه و متنسحبيش فجأة.
•لو اتجرحتي زمان من علاقه ده مش معناه ان كل الناس هتبقي زي بعض
.. أدي فرص تاني و متعزليش نفسك عن كل الناس.

الصداقة الصح دواء فدوري عليها لحد ما تلاقيها♥️
و الأصدقاء في الغربه عيله .. فأدفي بيهم ♥️