10 - 09 - 2019, 08:21 PM
|
|
|
|
..::| الإدارة العامة |::..
|
|
|
|
|
|
بوز الاخص
تعبير شعبي عن الشخص الكشر النكدي !!
ناس بتقول انه اسم طائر يعيش في جنوب الهند شكله "نحس" ،
و في رأي تاني ان كلمة "اخص" من كلمة "خاص به" ، يعني وشه كده ، تركيبته كده ..
المثل العبقري ده موجود فعلا .. فيه ناس ليها هذا "البوز" !!
نكدية الشكل و المنظر و الجوهر .. منين ما تروح وشها مقلوب ،
شكاية ، بكاية، في الحزن رغاية !!
ناس تصعب عليك من كتر اللي هي عاملاه في نفسها و في غيرها،
الضحك عندها محرم و الابتسامة ممنوعة ..
تركيبة وشها زي توليفة قلبها : مر و حنضل ..
اللي لازم تعرفه أن وشك مش ملكك،
ده ملك الناس اللي ليها عليك حق تشوفك فرحان و بتفرحها..
و الفرح موجود و متوفر للي عاوز ، موجود في صلوة علي لسانك و آية حلوة في كتابك ،
موجود في ترنيمة جميلة ، موجودة في توبة قلب حلو ، و امل في خالق الكون ، و خدمة لكل موجوع ..
و يارب يجعلنا "وش (بوز ) السعد" لكل اللي يشوفنا !!
|