[walaa farouk]

فيه ناس حلوة قوي في الدنيا ، تنور اي مكان موجودة فيه ..

ناس اتخلقت تسعد اللي حواليها، و ترطب قلب المجروح ،
و تجبر خاطر المكسور ..

ناس بترسم الفرحة علي وش الكل .
. الناس دي عارفة كمية الظلم و القهر و الوجع اللي مغطي الناس
، فقررت تكون بلسم شافي و ترياق فرح للي حواليها..

ناس ضحكتها دوا و قعدتها شفا .
. تشجع لما الامل يروح و تسقف حتي لومفيش حد تاني موجود ..
ناس بتحس قوي بالمتضايق و تجري عليه تواسيه و تاخد بحسه ..

ناس بيضا و صافية زي المية الجميلة تروي من غير ما تطلب حاجة..

ناس لسانها بينقط عسل ، ما تعرفش تقول كلمة بايخة
أو تعليق جارح .. ناس الاعتذار عندها بسيط و سلس
، و ما عندهاش مانع تريح الكل ، الاعتذار عندها بسيط و سلس
، يكبرها ما يصغرهاش..

ناس بتسأل علي الكل ، و تتعب نفسها علشان تريح الجميع
، عاوزة تدي ما تاخدش ، وشها المريح رزق و ابتسامتها الصادقة هدية ..

الناس دي بتخللي الدنيا منورة و جميلة
، و مهما كان فيه تعب ، تشوفهم تقول لسه فيه خير في الدنيا
طول ما هما موجودين..

الناس دي لما تشوفها "معدية
" ، تبقي نفسك تقلدها من كتر ما بتحبها ..