[walaa farouk]

لجيل بنك الحظ
كنت بستغرب الورقة دي جدا لما كانت بتطلعلي في بنك الحظ
وكنت بقول اكيد مكتوبة بالغلط
والمفروض تبقى انت كثير الهزار خد من كل لاعب 100 جنيه
نظرا لكثرة هزارك
كنت دايما شايفها كده .. لكن كون اني اكون بهزر
وكمان ادفع فلوس كانت حاجه غريبة جدا
بالنسبالي وقتها بصراحه
لكن لما كبرت ودوست في الحياة اكتر فهمت معناها

- احيانا الهزار بيجرح .. لما تقلل من حد وسط مجموعة
بغرض الدعابة
- احيانا الهزار بيجرح
لما تتريق على حد شكله من وجهة نظرك مش حلو ..
وتبدأ تتريق على شعره وعلى مناخيره وعلى طوله وعلى وزنه ..
- احيانا الهزار بيجرح لما تتريقي على شكل خطيب صاحبتك
، او تتريق على شكل خطيبة صاحبك
- احيانا الهزار بيجرح لما يكون لشخص مابيخلفش
وتقوله انتوا مازلتوا عايشثن اخوات من يوم ماتجوزتوا ولا ايه
- احيانا الهزار بيجرح لما يكون موجه لشخص رزقه قليل
او مش عارف يعلم اولاده نفس تعليم اولادك او او او ....

• فعلا .. انت كثير الهزار والسخافة وتستاهل الضرب ،
مش بس دفع 100 جنيه لما سببته من هزارك وسخافتك ياسخيف

لما تفكروا تهزروا اختاروا الهزار اللي لا بيجرح ولا بيقلل الناس في نظر بعضها .. غير كده اسمها سخافة وتنمر

بنك_الحظ